على فقدك
طفى ضحكي
ونام الحزن بعيوني
على فقدك
رثيت الكون
ومات الضوء ياغالي
على ايدينك
نبت قلبي
نميت والاضلاع اغصان
على ايدينك
نبعت وسلت وغسلت وجه هالعالم
وعلى صوتك امد الليل بالقمرى
تطيب بصوتك السهرى
وتجي الافراح من اقصى البلاد وتسكن بصدري
على فقدك جريت انهار مو حلوه
نبع مالح يعزف اوتار هالغنوه
غنوها اليتاما لحن بعروقي الثكلى
على فقدك نسيت اسمي اذا نادو
وانا اسمي بلا اسمك كنت ناسيه
وانا لبيت لك وحدك يالبيه
متى تجي بمنامي حلم واسولف لك
عن اللي صار في عيوني
تداويهن من قبل ما ترحل انا ادري
وانا اللي كنت ناسيهن عند شوفك
ما شفتك
ورحت اذرع شوارع العالم بدون عيون
بعد فقدك
ليست هناك تعليقات:
إرسال تعليق