شايل في قلبه السيره وسوالف كلها حيره
انا مثله بلا وجهة , سألني ليه عن دربه !
وتاه الدرب باقدامه وباقدامي يتوه السير
لفاني وهو يقرا اثر اقدام
على ظهره بقايا ليل مثل زوادة الاحدب
رفاة احلام
في جيبه دفاتر يأس و حكاية شفتها بوجهه , نحتها بفأس
سألته ليه تشبهني ؟ ما جاوب
انت صغير ياعمري كذا ما يصير
تعال نغير السيره
اسولف لك وتسمعني وقبل تبكي تودعني
وعلمني قبل ترحل من شان اغير السيره
اسولف لك عن الايام وضحكتنا , عن الديره ومرابعنا
عن البستان
عن الحيط الذي رسمت ايدك على طينه
عن اللي شاغبك ساعة وسرق ايدك
واعطاك بدالها منديل وعطر واقلام
وقال احلم
وانت تسلم من اشواقه وانا اسلم من الفاقه
ونعد ارقام
كم عمرك
انا مولود من قبلك
في عام الخير
ما تذكر ؟
ابغى ابادر بحكاية عن الموسم
عن العصفور اللي يحرس البيدر
عن الشريه
عن الدكان
نعطيه القمح ويعطينا حلاوه جابها من الشام
عن البياع ابو مشكل وهو ينادي
تعالوا جاي
تعالوا جاي
عن النارينج باطراف البيوت
وعن التينه
عن التوت اللي صبغ ثوبك من جيوبك ومن فمك
عن الحضن الذي تذكره ما لمك
من جابك على بالي عيون اطفال
لا تبكي
خلاص نغير السيره
He came to me unannounced, and I came to him without an address. Carrying in his heart a story, tales full of bewilderment.
ليست هناك تعليقات:
إرسال تعليق