مثل الصبح مستوطنه روح الانفاس
مثل الشروق اللي افترش نون عيني
يا النرجسة لك بالسهررمش حساس
وقت الشروق يحل الوسن وتغفيني
انا اسهرتك وقولي للعذر لاباس
طبتي وطابت في وجودك سنيني
احلى صباح بشوفتك غصن مياس
عقب الاماسي بشوقها تحتويني
عبق الخزامى همسها يملي الراس
كل الحروف اليا حكتها تـزيــنــي
ان عاتبت تنثر عتبها من الماس
وان اضحكت كن الذهب له رنيني
جيت اتفقد صبحها واشرب الكاس
واقول من عمري ليدينك خذيني
تكحلي بي اثمد لجفن نعاس
مري على سطح المرآه اكتبيني
لذاتي قريبه لو اني بعيدٍ عن الناس
ما اقدر اقول ان ذاك الغزال يعنيني
جابتني الصدفة على حرف الاطراس
قريت وصافحت يمنايا جبيني
شوفي الزمن ابطا بنا خلف قرطاس
هاتي لي انتي واستوطني واسكنيني
اي والله اعشقك يا طيب الساس
اقولها بخط ٍ عريض ٍ مبيني
يا احلى صباح ٍ ينثر الورد بأجراس
واحلى شروق في حياتي يجيني
ليست هناك تعليقات:
إرسال تعليق