يا  ناشد ٍ عنا عساك بعليين 
عساك في فردوس رب البريه
حنا على خبرك بديره غريبين
ما غير نذكر ايامنا الاوليه
الليل طال وشدد ارواقه البين
والفجر ماعاد يبين  عليه
يا ناشد عنا وين العمر وين
لفه محاق بظلمة ٍ سرمديه
كثر الحنين اورث في صدري اللين
هشاشة ضلوعي من امور ٍ خفيه
مرت اعوام وعدنا اقوام فانين
وسط القبور وبس الاجساد حيه  
ما كننا عشنا بيوم ٍ عزيزين
ولا كنها مرت ليالي هنيه
ان دسيت همي في وجهي يبين
تقراه لو كانت حروفه عصيه
مليت واداوي بالقلب جرحين
واردد الاهات مني وفيه
واسكب على وجهي من الدمع نهرين
وش يطفي النازف والدم ميه
في عيني اليمنى سوالف حزينين
وفي عيني اليسرى غيوم ٍ  هميه
ياناشد عنا اهلا ُبك اهلين
عساها  ماجتكم من الايام سيه