تختلج نفسي ويساورها الامل
ليا طلبت انا موعدها الخجول
جيتها ضامي من عجاف ومحل
عل وعسى ضما خفوقي يزول
واسئل عن حاله لوهو ماسئل
واتحرى باللي بخاطرها يجول
قريت في نظراتها ريب وجل
قالت انت قلي وش تبغى تقول
قلت السموحه عسى مافيكم زعل
اضني ماخطيت ولاني لك خذول
وجيتك كلي شوق وعشقي اكتمل
مثل كوكب مايعرف نوره افول
له مقام مع سهيل ومع زحل
ما تهزهز اركانه جسر حمول
قالت حبي يقرب عليك الاجل
وابغى عمرك من شان حبي يطول
وتذكر قوامي وخصري و النجل
والجدايل وعطبول وظلم عسول
قلت اعترفتي قالت ماقل ودل
هذا شرطي او احط ابواب وقفول
بالمهل ياشوق عيني بالمهل
هذا قلبي مابين اياديكم يجول
ازهر الخدين بظراته خجل
قلت وقالت الجفا لازم يزول
ليست هناك تعليقات:
إرسال تعليق