مشتاق ياعنازا وانا جيت زاير
ماني غريب والعجب تنكرينا
رسوم دواثر في ربوعك محاير
ما هن قديمات لو ماضيهن سنينا
هذي مشاتي الطيبين الاخاير
واليوم تحت الثرى مرتكينا
على قبر دعاس هليت العباير
جدي الا يادار لا تسفهينا
والله ما ننسى لو تدور الدواير
وشلون تنسى الاسود العرينا
عرفنا رسومهم والرسم باير
ياكنهم في روابيها جايلينا
مقاحيم اذا ما الموت جاير
لهم من روس الامجاد الجبينا
كني بهم على وضح نواير
وصفر ومجاهيم وغر ولجينا
روعت قلبي رجوم عماير
نشدتهن عن علمهم علمينا
صامتات ما جاوبن قلب حاير
من ذكرما خفى منهم علينا
من عقبهم صارت بلاقع نثاير
عزيزات عندنا والاحقينا
ليست هناك تعليقات:
إرسال تعليق