~~~~~~~~~~~~~~~~~~~~~
دلال
احب انا كل غيداء تهادى في دلاله
واكثر من ضامي يرجي غيث بهماله
واحب انا وعودها لو ما وفت لي
هي صبا روحي وفرح قلبي ومناله
ولو اخلفتني ولا جابت اعذار
حره بحالي وتسوي وش بداله
القمر ليا غاب حنا نحتريه
وما طلع الا اذا جوه صفاله
نسهر بنوره والدنيا ربيع
والنجوم الباقيه عنده حثاله
ما خبا نوره بعيون العاشقين
ولا غاب بعين الا من لا عناله
احبها حب البدو لديرة خصاب
وحب الكريمين الى اهل الجماله
ياساره لو البشر مثلي تحبك
او صبر مخلوق بحبك او طراله
عز الله اني بالعشق مدري
كل كلامي بهتان وزور ورزاله
كلما طرى اسمك انا قلت خلي
في مجلس قالو عقل وش جراله
العمر ياعبيد
العمر ياعبيد في الشقا دامي
والايام اقفت في مراكبها
هذي حياتي كلها اوهامي
شباب الامس اليوم شايبها
الارق عيا بجفني ولا نامي
كن الاهداب غفوتها تحاربها
قمت اتونس في قرطاس وقلامي
سهرة اسطر من الدنيا تجاربها
ومن بعض الايام اعض الابهامي
وايام البيض ما تغطي سوالبها
انا ياعبيد حظي غدى وشامي
ابعد الخلان والحسيد قربها
شفت القطاعه تصير قدامي
يابو عقل انا والله اجانبها
o* o* o* o*o* o* o* o* o*o * o* o* o*
الآوابـــــــــــــد
الا ياطير البر خذ مني نبا
خصها لإخت المها اهدابها ارياش
قلها بين الملا حظي كبا
دونكم قصر حظ بن عياش
وحبك اللي بالحشا نما وربا
سالبني العمر مارايح بلاش
كان طفل ثم حووله ثم حبا
فز وترعرع مابين الكبد والجاش
وصلي جمرك بالحشا لاماخبا
من لظيه الفكر سولع وطاش
ياخفره اخفت جماله بالعبا
لو نظرتي للاوابـد فلا انحاش
خفوقي لساره وعن غيره آبا
لوكان موتي ومددوني على انعاش
- - - - - - - - - - - - - - - - - - - - - - - - - - - - ّ
ثـمـانــي
الحزن والليل والهم الثقيل
والجفا والظما وفرقى الخليل
والصحاري والرمال الراحله
ودهن غيث السما يالمستحيل
جفن نبوع الدموع من البكا
مابهن يسقن واحات النخيل
والسوافي تملي جفون العيون
ولا بالعمر عن رمضات وقتي مقيل
وناجيت انا نجوم الليل الساريه
عن شجن حبي وخفقات الدليل
عن صبايا والامال الحالمه
حطمهن خلي وخلاني قتيل
ماجاوب ذا النجم وتغيب بالافق
غير ذيب لارفيق ولا عميل
قلت الا ياذيب من فينا الغريب
يارفيق الليل لاتنوي الرحيل
تعبت انا من الجفا وطول السهر
ومن زمان كالني حشف المكيل
ليتني ارتاح لحظه من الكآبه
وخفوقي يقول هل له من سبيل
ابا الملم اسراري وكانن ناشرات
ليست هناك تعليقات:
إرسال تعليق