اشوف منها كل ما خفاه صدري
كني على رجم ٍ يودع له غروب
اومي على اللي انكسر فيه ظهري
فقدت صوته وعني اليوم محجوب
في عالم البرزخ سكن فيه ذخري
بيني وبينه سور واللحد والطوب
لولاهن ما تقبل الروح عذري
في النفس ضيقه وجمر مشبوب
فقده يزيد بلاهب الوقت جمري
او كني شمع من لظى الايام باذوب
اعدد ايام ٍ مشت فوق صبري
اشتاق له وامري اليوم مغلوب
انا القليل وليا حضر شفت كثري
ذكراه في قلبي و كل حرف مكتوب
يمشي معي حتى على سطور حبري
الفقد مر و امتلى خافقي ثقوب
لوني لهيت يهيض البوح قمري
ليست هناك تعليقات:
إرسال تعليق