عبد الشافي منسي الظفيري

قصيدة عبد الشافي منسي الظفيري
في عبيد الحسيني العنزي

ياالله يافارض الحج والصوم
علام ما تخفى عليك الخوافي
يامن خلقت البر والبحر ونجوم
انت القوي وحنا بحكمك اضعافي
متكفلا في رزقنا دايم الدوم
محيي الهشيم الذي ذرته السوافي
يالله لا تجعل من ترجاك محروم
يامنزل القرآن بعد الصحافي
من بعد ذكر الله انا بيدي يسوم
واكتب بيوتن نايفه بحترافي
من شاعر تجزا عيوني عن النوم
عز الله ان الوقت فيه اختلافي
ياعبيد هاضت ماخفيته من هموم
وتجددت في قلبي جروح خوافي
اشكي سنين الغبر ياعبيد والوم
ولا بد ما تقفي سنين العجافي
نصبر ولابد مايجي للفرح يوم
تبي تغدي الدنيا خير وعوافي
لابد ماتفرج تبقا لنا علوم
والحي بامر الله لزوم يشافي
ترى الجمل يصبر على الحمل ملزوم
يامعرب الجدين نسل الاشرافي
والوقت هذا ما يبي طيب القوم
كم ضد فريس تسل الرهافي
وضد الذي مايذبح الامن الكوم
كريم سيلا يالليالي العجافي
دنياك كم ضد شجاع وزيزوم
وكم ارفعت من ضايع الاصل هافي
انا اشهد انك طيب الذكر شغموم
وعز الله انك يالحسيني سنافي
من ماكرن مابه التبع واللبوم
ياكود حراشقر جرودي و وافي
من لابة وقت اللقى كلها قروم
ستر البني ليا طوحن القدافي
من عادى سيوفكم راح مهزوم
يقفن به اللي يقطعن الفيافي
تم الكلام وباقي الهرج مفهوم
واسمح لنا ان كان في بدعي اختلافي