.png "عقل العياش")
لمي البقايا من المايجون
من اللي رحلوا ونسيوا سوالفهم هنا
من اللي رجعوا ثم ارحلوا ثم ارجعوا ثم ارحلوا
من الماخذوا الا خيال زوالهم
من اللي تركوا لنا اسماءهم واحوالهم
هيا تعالي من تعب عاشق بكى قبل القصيد
هيا تعالي ورتلي الشوق العتيد
واقري دموع مسطره
كانت دموعه محبره
وريشة هدب عينه
مغمسه ليل وتعب
هيا تعالي من الصباح اللي نادى وينك تعالي
ما كنك الا شي ماغاب وطرا لي
قولي اجيك من الغياب
موعدنا في غيمة ضباب
وهذا وعد وهذا عهد
شوفي كيف التوق سوى بي بغيابك
الامل سوى طقوس من الجنون
الامل قاسي وهو يشفق علي
كم صعب يواسي فؤادي البكي
كم ردمت الجرح باماني وهم
كم تعالي قلتها وعادت عدم
والان انادي يا اناي
ارجع وتلقاني معك
هاتك لي من اساي
ارثيني وانا اشيعك
وارحل بك الى كل الجهات
ولا تدري
نمضي في درب الفوات
ما غبت عني .. بس طيفك يزورني مع كل حين
ردحذفتسكن وريدي مثل نغمة قديمة .. ما تلين
أشوفك بعيوني مطر .. وأسمعك فـ همس الورق
يا غايتي .. يا ليل عمري .. يا بداية ما أُرهق
تعال من صمت الغياب .. خلّي البقايا تنولد
ترجع لنا الأحلام .. ونلقى الوصل بعد ما ابتعد
تعال ورتّل للشجون .. قصيدةً ما تنكتب
إلا بدمعٍ من عيوني، وصوت قلبي لو انجذب
موعدنا غيمة .. تذوب ما بين ليل وما بين صبح
تحمل حنينٍ ما انطفى .. وجرح ما له غيرك طب
الأمل قاسي .. صحيح .. بسّه يشفق لي كثير
وأنا على كثر الوجع .. ما ينحني قلبي لغير
فـ ارجع .. وخلك معي .. ما عاد لي بعدك حياة
لا تخليني أتيه .. وأنت لي درب النجاة
كل ما ناديـتك .. يجاوبني صدى في داخلي
وكل ما قلت انتهى .. ابتدأ فيني وصلك لي
مجهول🎶