.jpg)
  البارحه نومي ما وافق الموق الهاجس بي قام يصفق رواقه من لمع يم الرواق بروق تلملم الهم والشوق ساقه ساعة لعج فوقه بي ارعد الشوق ما بين هاك البرق وحبي علاقه ليا شالت مزونه فحبه بالعروق وان هلت مزونه بقلبي اندفاقه وليا الرعد ادوى وتسمع له دقوق اضلاع صدري مجاوبات دقاقه من فرقى الخليل اشكي ومن الزمن عوق والمــــاء والزاد علقم مذاقه عشقي لساره ما مشوبه هل السوق عشقي لها ساميات آفاقه متعــلي على الـثـريات لا فوق فوق الابراج ولا خبى في براقه ليت الغضي واصل وبقلبه شفوق ولا طاوع الفتان راعي البواقه تركني وخلا في كبدي شقوق كني غريب ديار والوقت عاقه او كني طير مربط الوكر بسبوق وفقدت من هو ذخيرة للصداقه ياساره لو تذوقين من الفرقى كما ذوق والله ما فارقتي طــول العناقه  |
ياندى حمص العذيه هبوبك فتح اقطابي حبيبي اخلف النيه ولادرى في عذابي داله وعيونه غفيه مستريحات الجنابي رميت عليها التحيه سلام الله له ثوابي قلت بحروف شجيه ياساره ردي جوابي قالت وش جابك هنيه قلت حبك بي رمابي قامت تسقي المزهريه برخص زخرفها الخضابي ثم كلمة له خويه ضحكهن يبري المصابي كحلهن ليل شتويه والسهم روس الاهدابي شعرهن ذيل المعنقيه كنس من تحت الاكعابي يتمايلن ورود فيـه متعـانقـات الـرقـابـي خدودهن ورود جوريه دم منزوف الرعابي عاشقهن يرد المنيه ملحود تحت الترابي يبكيهن صبح ومسيه مسكين يطرد سرابي من دور المرحميه عندهن اخطى الصوابي غزلان بأرض خليه يرعن نوار الاعشابي شربهن صافي الميه يباتن روس الهضابي ما ينصادن بصيدحيه والشرك بيا التوابي ما قربن لي شويه حــبـهـن لـمـوتـي دنابـي اروي عيون شقيه ارسمهن عشق في كتابي ليت يرتدن عليا اريام شرد بالرحابي شلعن قلبي من الحنيه والدمع دث وسكابي ضاقت بصدري الفضيه نهاري جناح الغرابي واعذابي من بدويه لها قصر بالروابي ياندى جروحي خفيه ياندى بلل احبابي  |
يادرزي من الانبت هذاك الزهر ومن لون الخدين والعطر له فوح قال لي كونه خلاق البشر قلت انا آمنت بالقلب والروح يالله انا طالبك حلو الثمر ادعج العينين ما عاش بالموح يادرزي اشوف قلبه من صخر ومن اهدابه يرمي الحر والشوح ياحلاته ورده بثوب الخضر ومزريف الخصر والزول مملوح ريقه فلا ذقت وروحت العمر على بعد شوفه ما يشفي الجروح لو بغيت اصله ما خفت الخطر بيته وهو جنبي لو قال مسموح ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ــ-ـ-ـ-ـ-ــ-ـ- .................................................. ................... |
ودق دق في الذكرى صوت الحنين
اعاد لي صوت الزمان التاه مني
ودق يمطر ندم بكا وآآآآآآآآآه ونين
وليالي اقفت معهم واتركني
.jpg)
.png "عقل العياش")
لمي البقايا من المايجون
من اللي رحلوا ونسيوا سوالفهم هنا
من اللي رجعوا ثم ارحلوا ثم ارجعوا ثم ارحلوا
من الماخذوا الا خيال زوالهم
من اللي تركوا لنا اسماءهم واحوالهم
هيا تعالي من تعب عاشق بكى قبل القصيد
هيا تعالي ورتلي الشوق العتيد
واقري دموع مسطره
كانت دموعه محبره
وريشة هدب عينه
مغمسه ليل وتعب
هيا تعالي من الصباح اللي نادى وينك تعالي
ما كنك الا شي ماغاب وطرا لي
قولي اجيك من الغياب
موعدنا في غيمة ضباب
وهذا وعد وهذا عهد
شوفي كيف التوق سوى بي بغيابك
الامل سوى طقوس من الجنون
الامل قاسي وهو يشفق علي
كم صعب يواسي فؤادي البكي
كم ردمت الجرح باماني وهم
كم تعالي قلتها وعادت عدم
والان انادي يا اناي
ارجع وتلقاني معك
هاتك لي من اساي
ارثيني وانا اشيعك
وارحل بك الى كل الجهات
ولا تدري
نمضي في درب الفوات
يذكرني بهم
حمام ِ على الغصن ساجع
يذكرني حمام الـــــــــــــــــــــــــــــــــــدوح !!
وانــــــــــــــــــــا ما كنت ابد ناسي
ولكني نسيـــــــــــــــــــت احكي له
واروي قصتي بليله
تعــــــــــــــــــــــال اسمع
لحن نوحي
اريد اعزف لحن روحي
نشيج من اصغر جروحي
كيف ابدل خافقٍ روحي معه
كل يوم ٍ ليا خلا منك ثقيل
وكل لحظة انت فيها لي سعه
آه لو يدري وهو يدري القليل
كل قطره من دمي تجري معه
اسرجت الاماني وطاب السرى بمسراي
ومن توقي اسقيت وزرعت النجم بيديني
لقيتني غارق بسيل دمعي على مركاي
قمت و بكيت الايام لقيت العمر يرثيني
يا مشغل الروح ! وين الصبح من ليلي
ابطى العتيم وغاب الفجر مع نوره
يامنك انت, انت كلي وقناديلي
ولا انا اصبحت بعدك في جسد صوره
يالغايب الحاضر تاخذني من تعاليلي
كنه بين الناس ولكن غايب حضوره
كيف افرق بيننا وكل سنيني مع سنينه
كيف اذكرني لوحدي وكان ظلي في مساري
يارفيق العمر وينك صارت الرفقه هجينه
ما همني الا صدودك الله يجبر انكساري
الله اكرمني و عطاني رب العزة شاكرينه
نرمي قفانا الحكايا وتنبح ورانا الضواري
انت خابر كل شي يارفيق العمر وينه
سقى الله ايام كنا وعسى ديارك عماري
ليتك تقرأ يارفيقي عني اشواقي الدفينه
لا تلوم النفس حتى حل بالراس الوقاري
كنت ادري جاي ليل معه غيومي الحزينه
كنت ادري بتجرحيني ان جبتي للبعد طاري
كنت ادري بتكتبين عطر وفوقي تنثرينه
وكنت ادري بنتثريني عطش في كل البراري
ليه يا (ايام ) عمري كل شوقي تنكرينه
وش بدى حتى تغير في مسارك عن مساري
ارسلت لك دمعي ياراحل مع الموت
شيعت لك روحي وقالت العين عجل
قم ودنا ولم البكى بوسط تابوت
وقل للي سبقنا يم ربه تمهل
يا مرسلين الشوق في صفحة كتاب
ضاع الكتاب بليل في حكاية الطين
الوجد يبقى وكل الاحباب غياب
عاد الصدى بحزنه يقول مقفين
يا محيي التوق في قلوب شياب
ندري بهم بكل ذكرى حزينين
امانينا
مافكت قيود ارواحنا منا
ولنا اجساد تلفانه
على دروب تايهه فينا
على الملقى لنا تنهيدة وونا
انسان يسأل انسانه
اذا جينا وتلاقينا
وهل يمكن يموت الموت وينتهي رحيلنا منا
امانينا
ما به احد
حتى السحاب
ماعاد مر بحينا
حتى الشجر
ترك لنا اوراق الخريف
ما به احد الا انا
يدي طاحت ما لوحت
ما به احد وتصافحه
ولا به احد وتودعه
ما به شمس
تشرق على يوم ٍ جديد
ما به احد الا انا
هذا الفراغ الممتلي شوق ورحيل
وهذا السهر المنسكب من راس سيل
وهذي العيون مكحله بعتمة ارق
وهذا الورق
يشرب من دمي بكا
يذكرني ما به الا انا
مالت اغصان اشجاري
من البرد
وضاع الحفيف بمعترك زحمة اود
اود
رجعة طيوري وغصني كسير
وحنا كثير
ما به احد الا انت
ما به احد
ياطير يللي عاليات مراميك بكبد السما ترقب خفق البروقي ياباسط الجنحان ايديني شرابيك والنوم مازار لليوم موقي جسمي غدى ياطير عود المساويك من فرقته وان يبكي خفوقي ليتك تجاوبني ساعة اناديك وتخبرني ياطير عن حال شوقي او تخبره عني ذقت المهاليك واحتار دم ساري في عروقي ليته وليتك تلبيني ويلبيك جاوبني بالله خلك شفوقي ليه انت ياطير كبرت معاليك انده عليك الصوت وتحوم فوقي |
رحتي مطر وانا في زحمة الصيف
اواسي القيظ واعزي ظروفي
واسرج سراب البيد واصيٍّد الطيف
واطعم جياع الروح معلاق خوفي
كتبتها دمي وعند اسمها اقيف
حتى يشع النور بعتمة حروفي
متى يحين الوقت ردو مناكيف
بشاير الغيم عقب العجوفي
ايه اعيشك
ايه يدي ودها تصافح يدينك
وامزج روحي مع خضابك
كم ليــــــــــــه قلتها لك
ولا تبرر غيابك
كم ليــــــــــه قلتها لك ويبخل جوابك
ايه اعيشك رغم طيشك
ليه تزعل وانت كلي
وكلي الباذخ الم
وكلك الساكن عيوني
وكلك الخاطر حلم
تــاهت الخطوة ودروبــــي بلا نهايا
وكاس صبري من ضيقت صدري كسرته
والليالي ضيقة فيني فضايا
وكل هم ٍ لاحني ليلي سهرته
غيبت الخلان تعيدك للبدايا
لكل ذكرى في نزف عيني ابتدرته
دونت فوق اوراقي غيمة بكايا
كالغابات الممطره دمعي مطرته
واسقيت من مزني مدن وقرايا
وفي وادي المنفى غرقت ولا عبرته
الغايب اللي مثل ظلي معايا
ظل طفل ٍ ولكني جيت وكبرته
كيف نرجع ؟كيف ترجع يا انايا
كيف يعود وانا اللي بيدي قبرته
ما الوم الحال ولا لوم اخويايا
ولا الوم الا هم ٍ بقلبي قهرته
انتعلت البعد وعسفت الرزايا
ولا رجيت الناس ولا طيري زجرته
انتظاري طال و من جرحي حكايا
حتى وجهي من قهر عيني نكرته
والله تعبنا .... انا الضيـــــــــاع ..... وانتي كيف تلقيني
في قلبي ..... احس اشياء تجرحني .....تؤذيني ...... تبكي لأجلها عيني
انا..... انا كل ماقلت يا اناي ...... الى ظلك توديني .... ارحل بي وارجع لي ...... وجروحي تواسيني
|
انا متوفر العزله وافتح للغياب دروب
وان رديت تلقاني معك ماخيب الهقوه
انا مكاني هو مكاني يوم كان لك مرغوب
ليه اشوفك اتباعد وانا اردم بيننا الفجوه
اكتبكم رسايل شوق يعيدها بريدك المحجوب
واقول ان العذر معها يمكن حست بجفوه
وانتي تدرين بي اكثر اشرق باسمك واذوب
واذا مرني طيفك تصبح السما غنوه
انا لولاك ما مديت جسر من البكى المكتوب
كيف ارد لي دمعي وجسر الماء ما يطوه
توجعني انتظاراتي وانا الغاصب المغصوب
الملم ما غدى مني ولكن اوجاعي الاقوه
البكى وحده سالني ليه تاخذني معك
واختفيتي وتكبر بعيني المدينه
صدقيني قبل افقدك احس انها قريه صغيره
يمكن اصغر من عشرة بيوت وشارعين
كيف القاك ؟والمسافه صارت ضياعات ومنافي
كيف اسال ؟ والمتاهه سور وعتمة وباب طافي
البكى وحده سالني ليه تاخذني معك
ليه تزعجني عيوني ومالي قدره اقربك
انت اقرب !انت ابعد ! انت اكثر شي مربك
القاني بدربك رحيل بلا كلل .... والوجهات غيمه
القاني بغربه والمسافر بي وطن والمسافه احباب
كيف مرو بي ورحلت معهم ..... المسهم هنيا
بين الضلوع وبين محجر عيوني ربيع
وبيني وبينهم نجعة واسراب الغياب
البكى وحده سالني ليه تاخذني معك
لو سألتك من سرق مني بقايا فرحة ٍ كانت هنيا
من تحت ظلعي الايسر وين راحت ! من خذاها ؟
لو تقول انك لقيها من يفتي لك باللقيا
ردها لي فيك حاجة ليتك ترجع ياعساها
اشتاق لك كل صدفة حتى صار الدرب ليا
هاتها يدك انا يدي ترجي من يدك دفاها
انت اكثر من خفوق وانت فيك القلب عيا
وانت اكثر من اماني اشتاقها القلب وبكاها
العام الماضي كنت عيدي وباقي ايامي الهنيا
يا فقيد ٍ مع اعيادي ليال الدجى من بداها
في غيابك خفت ضوي والليالي سرمديا
وجهك يكفيني امان وكل وجهاتي و ضياها
ولا شك ان بعض الحكايا عقيمه
انتي حكاية طيب ولا بها عيب
والله لا شك الحكي بك جريمه
لو تدرين كم اغليك ياورد توليب
اشوفك بعيني خريده عظيمه
اعيذك من حكي القفا والتأاليب
وخلك من فوق السماوات ديمه
تسقين روحي من حروفك ميازيب
حرفك عزيز ولك عندنا كل قيمه
نارد على كتبك مثل اليعاسيب
ونصدر وفي انفوسنا اشواق ٍ حميمه
يا ورد يا قطف الندى غض ورطيب
خفره حصينه ولكل ريمه قسيمه
