دار نواف
عسى الوبل ينهل على دار نواف
ويسيل واديها وتروى المنيفه
تسقي ديار اللي عن الخنا دوم عزاف
مزن تهل امطارها من رفيفه
واشوف بنات خدودهن دم الارعاف
ونقيم فيها مرباع ومصيفه
لو لمتني بالهوى بحشايا والاطراف
عشق العفاف في هوى البنت العفيفه
اعشق حسين الوصف ولاني بمكلاف
ولاني ظلوم ولا المشاعر خفيفه
احب الطهاره واكرها انا كل بلاف
واحب الكريم واللي رايه حصيفه
وانا حليف اللي انظلم وبن الاضعاف
وزادي من التقوى واصولي شريفه
من ساس وايل مابنا حد خواف
عيال الحسيني بكل زمان صليفه
جهيم الجد والابن عساف
ستر الجهامى ماله من حد سيفه
كم رد خيل للعدى جنه زحاف
مروي الدما للمصقلات الرهيفه
ربيع اليتامى اليا البشر صابها جحاف
شمس والضحى والكواكب كسيفه
واشوف الموت طايح بكل الاشراف
موت الخلس مادنست بس حليفه
لو القصايد تظلم الحر ماناف
الاسم يكفي ستر الجهاما وصيفه
ليست هناك تعليقات:
إرسال تعليق