ورى هدبها اخفت حلم ليل
وخلف الحقايق ساهره في ليل طال
حلمك توارى ورى الجفن الكحيل
صارت عيونك واسعه مثل الخيال
قريته ديوان الشوق قصايد مراسيل
عنوانه طلاسم سراب وحب المحال
ترسم على اطرافه زخارف جفل خيل
ومن الليل ولون شفق صبح وزوال
وصورة غريق الهوى يلبس زبد سيل
في عينيه حسره تقول يا منجد تعال
اعطيني حبل الامل اسقيني سلسبيل
اروي حلمي الخافي ذبحني الال
شربت كاس الهوى شفني ثميل
ومن غير كاسك تلقاني عطال
ما ود انا غيرك ولا دور بديل
يا رو د يا عبقه يا عين الغزال
حلمي وحلمك جزيره مع ارخبيل
في بحر مجهول في كوكب عال
