نشوة الزار

طيبــــــــــي وخلي افراح قلبك نصيبي 

 خـلـي الـورد يـنـبـت عـلـى خـدود آذار

  خـلـي الـفرح ينبت على اطراف جيبي 

رقصة خـفـوق ونشـــــــــوة الروح كالزار

تـعـبت احـزن وكـثر الاشــواق عـيـبـي 

تعبــــت انـادي يــاهـمـالـيـل الامـطـار

اريــــد اعـانـد  بـالـصبـح لـون شـيـبـي 

واقـطـف مـن لـيـل الـمـحـبه مـن الاقمار

زرعـتـها بـراســي وارواها جـلـيـبــي 

مـجـرى الـوريـد السـاقيه دروب الاسفار

طـيـبـي لــو ان عـــوى تـالـي الليـل ذيبي 

عـنـك غـريـب ولـوعـتـي غـربـة الــدار 

بذات الحشا

 ياساره لك من ماضي الود منفوع

حب السهر ومراقب نجم طالع

مابالهوى عندي زريات وصدوع

ولا مشت ساره عوج المتالع

وكلام الواشين من غير مسموع

وهمس المشاعر تزمي روس الطوالع

والعتب مابين الاثنين مرفوع

والنمام عن حقده اليوم قالع

والوفا بوسط الضميرين مجموع

بذات الحشا ورواحنا والمدامع

لو الدهر يرمي على روسنا الروع

ويحذف من كيد الاثقال المقالع

الا ونرميه من صبرنا وقوع

وتسمي محبتنا فوق المطالع

صدك وجرحك

مايوقف النزف ليا صرت مغبون

ليا اختلف وقتك بضربك وطرحك

حي وتحس انك ميت ومدفون

عمرك يضيع ولا انفهم منك شرحك

تمتمت ورددت اقوال بن لعبون

واقفيت وبي طعنات صدك وجرحك

ادور مصيري

اتعبت جفني وانا احبس دمعة العين

تعبت اهدي من بين ضلوعي زفيري

روحي بجناحين بنت عشها بطين

والقلب اتعبته وانا ادور مصيري