ربك كريم ومنه تجيك التساهيل
تفرج وان قالوا متى قلت مدري
لابد ما تشرق عن ليل االمجاهيل
نور ٍ يشتت ظلمه لوقت مزري
ليل ٍ تزين بالفلك والقناديل
غابت نجومه وانا مع الهم اسري
يجهلني من شافني اعتزلت التعاليل
ابى اعطيك من همي من دون تشري
ماعاد اراقب غيم ولا لبرقه اخيل
ولا عاد اغازل انا كل عفري
في وحدتي ارفد عيوني من النيل
ومن الفرات اجمع ملامح لشطري
ومن العاصي الملم نايات ومواويل
كن القصب غنى عن ثقوب صدري
ماني بتابع ولا في دربنا ميل
ولا بالقفا يوم ٍ نشب فيك ظفري
انا على خبرك في دمي اثيل
ما زحت ولا منتظر منك نصري
نقدر الوافي ومننا له تبجيل
نذكر علومه كلما على البال يطري
ولاني من اللي ماعندهم غير تشهيل
نفض العبات وماسح الجوخ هبري
اواه يا ليل لك مسارات تحويل
تقيم ما كنك عن الارض تجري
تجمع نكاياتك وفي دمي تسيل
كنك تبي اتلوث بي طهري
اليهماء من رملك على جفني تهيل
حتى دفنت اوراق خضرا لسدري
ما به جبل ولاعاد شمس ٍ وظليل
وصار التلاشي في حناياه يغري
ليست هناك تعليقات:
إرسال تعليق