متى تجينا من الشمال التباشير
متى نعالج قلوبنا من الاصابه
شمت بنا حتى الثعل والسنانير
حتى الردي هيض علينا كلابه
Translate
الجمعة، 6 مارس 2026
غير انك
تعال واقراء خاطري وش كتب لك
او تدري اجيك بخافقي لا تعنى
عرفت قلبك شابه قلبي بلا شك
غير انك في وسط عيني تثنى
سئلت من ابعدك يمي يردك
حتى يريح البال وبك يستكنى
عطبول املود ممشوقه بلا رتك
الغانيه الخود نجله سبنى
العلوم الحميده / الى الغالي عبيد العياش
ياعبيد ياراعي العلوم الحميده
في وصف طيبك قاصرات القصايد
دعيت ربي من الوهايـب يزيده
ويسقي ثرى داره مزن عوايد
هات القلم واكتب على ما اريده
اكتب وسطر من جوفي النشايد
خط لي من بين الحنايا قصيده
ابى اشكيه ظبي ساهي الجفن نايد
اشوفها تنسى وحياته سعيده
وانا يامسندي حياتي زهايد
ليت الحشا وناظري ما يريده
وياليت دمعي ما انسكب عند بايد
لكن قلبي له يدوي رعيده
يطلبه لو حالت دونه شدايد
الجفا عند الترف صاير عقيده
والهجر يجني منه قل الفوايد
وكاد
الله لولا الحيا بعالي صوتي انادي
ياساره ردي فؤادي ماعاد فيني جلاد
لو هي درت بحالي وش سوت في فؤادي
كان مافارقتني ولا نوت بعاد
الساكنه في حشايا ما أنصفتني ودادي
من حبه اسهر الليل ماعرفت السهاد
مشتى ساره القرايا وفي الربيع الحمادي
بدويه حضريه عشقي لها جهاد
لعوب ورود في مشيه الياقامت تهادي
لو عشقته صغير بكيته بالمهاد
قلبي يفز من طوره مثل طير الهدادي
اليا قامت تثنى وقع عنده وكاد
اختلاج
تختلج نفسي ويساورها الامل
ليا طلبت انا موعدها الخجول
جيتها ضامي من عجاف ومحل
عل وعسى ضما خفوقي يزول
واسئل عن حاله لوهو ماسئل
واتحرى باللي بخاطرها يجول
قريت في نظراتها ريب وجل
قالت انت قلي وش تبغى تقول
قلت السموحه عسى مافيكم زعل
اضني ماخطيت ولاني لك خذول
وجيتك كلي شوق وعشقي اكتمل
مثل كوكب مايعرف نوره افول
له مقام مع سهيل ومع زحل
ما تهزهز اركانه جسر حمول
قالت حبي يقرب عليك الاجل
وابغى عمرك من شان حبي يطول
وتذكر قوامي وخصري و النجل
والجدايل وعطبول وظلم عسول
قلت اعترفتي قالت ماقل ودل
هذا شرطي او احط ابواب وقفول
بالمهل ياشوق عيني بالمهل
هذا قلبي مابين اياديكم يجول
ازهر الخدين بظراته خجل
قلت وقالت الجفا لازم يزول
الاشتراك في:
الرسائل (Atom)
Wikipedia
نتائج البحث