دفاتر غرامي

 

 

سلام من قلب ٍ تولع بك ويغليك

بادخل على قلبي وارمي سلامي

واعاتبك وارمي خطايا بأياديك

خذ وانتصف واقراء دفاتر غرامي

ياليني كل عين تناظر معاليك

او ياليتني بارضك ابني خيامي

او ياليتني كل صوت ساعة يناديك

لبى الندى وحروفها والاسامي

او ياليني كل درب ليا يوديك

ممشاك نبض القلب ورصيفك عظامي

او ليتني سدره تنبت بواديك

ظلك وانا المحترق بك غرامي

شاقول وكل شي فيني يلبيك

كيف ارتوي وكل احاسيسي ضوامي

كوكبي

مديت لك حبل الرجاء واتحراك

وياما انتظرتك والفحتني الذواري

جيتك عشق صافي ماني اتحداك

وان غبت ليله اصبح القلب ساري

دورته وادري القاه في ديار مفلاك

هايم ولا ينسى لذكرك طاري

ماهو بكيفي لكن القلب اغلاك

وتعبت منه و لخفوقي ادراي

ياكوكبي المشرق وينه محياك

طال المغيب ولوعتني العزاري

تجيني  علومك وما ينطقه فاك

والقا اظلالك على باب غاري

خليتني في فم العواذيل مسواك

كنك على عشقي يالترف زاري

تقبل وتقفي وعلى الود شكاك

تجيني امواج وتقفي صواري

الله ييسر لك وتوصل للادراك

يسبق خفوقي  يالعزيزه وقاري

جول اثر جول

هاتي حلك والله اتعبت الحلول

كيف اوصلك وانتي خطواتك رحيل

شوفي حالي من ضياعي في ذهول

علميني ماعاد عندي سبيل

كل افكاري في روابيكم تجول

والخواطر ديم من اجلك هميل

والرسايل ماقراها الا العذول

ان صدرت وردت بالحال الهزيل

والضنون اجتاحتني مثل السيول

بين وعود وبين لقالي بديل

كنها طيور جول اثر جول

خفقها نار الجوى وجمر الغليل

نشوة الزار

طيبــــــــــي وخلي افراح قلبك نصيبي 

 خـلـي الـورد يـنـبـت عـلـى خـدود آذار

  خـلـي الـفرح ينبت على اطراف جيبي 

رقصة خـفـوق ونشـــــــــوة الروح كالزار

تـعـبت احـزن وكـثر الاشــواق عـيـبـي 

تعبــــت انـادي يــاهـمـالـيـل الامـطـار

اريــــد اعـانـد  بـالـصبـح لـون شـيـبـي 

واقـطـف مـن لـيـل الـمـحـبه مـن الاقمار

زرعـتـها بـراســي وارواها جـلـيـبــي 

مـجـرى الـوريـد السـاقيه دروب الاسفار

طـيـبـي لــو ان عـــوى تـالـي الليـل ذيبي 

عـنـك غـريـب ولـوعـتـي غـربـة الــدار 

بذات الحشا

 ياساره لك من ماضي الود منفوع

حب السهر ومراقب نجم طالع

مابالهوى عندي زريات وصدوع

ولا مشت ساره عوج المتالع

وكلام الواشين من غير مسموع

وهمس المشاعر تزمي روس الطوالع

والعتب مابين الاثنين مرفوع

والنمام عن حقده اليوم قالع

والوفا بوسط الضميرين مجموع

بذات الحشا ورواحنا والمدامع

لو الدهر يرمي على روسنا الروع

ويحذف من كيد الاثقال المقالع

الا ونرميه من صبرنا وقوع

وتسمي محبتنا فوق المطالع