ياطير يللي عاليات مراميك بكبد السما ترقب خفق البروقي ياباسط الجنحان ايديني شرابيك والنوم مازار لليوم موقي جسمي غدى ياطير عود المساويك من فرقته وان يبكي خفوقي ليتك تجاوبني ساعة اناديك وتخبرني ياطير عن حال شوقي او تخبره عني ذقت المهاليك واحتار دم ساري في عروقي ليته وليتك تلبيني ويلبيك جاوبني بالله خلك شفوقي ليه انت ياطير كبرت معاليك انده عليك الصوت وتحوم فوقي |
الخميس، 9 نوفمبر 2017
ليتك
She went like rain رحتي مطر
رحتي مطر وانا في زحمة الصيف
اواسي القيظ واعزي ظروفي
واسرج سراب البيد واصيٍّد الطيف
واطعم جياع الروح معلاق خوفي
كتبتها دمي وعند اسمها اقيف
حتى يشع النور بعتمة حروفي
متى يحين الوقت ردو مناكيف
بشاير الغيم عقب العجوفي
الثلاثاء، 7 نوفمبر 2017
مروـــــــــــــــ كما ايام They passed like days
انا شفتهم مروا
من هنيا .... بعيني ذي
على شفى الاجفان ....... اتركوا لنا دمعه
نزفناها وهي من مي
دمعه وحيده ...... والغيوم احزان
تنزفنا .... ونبكيها .... بوادر ري
جرحتنا ولا نسيناها ..... قديمه حي
انا شفتهم ايام ..... يا ايام .... والايــــــــــام بيادر توق ..... تجمعنا ..... بطوارف ضي
انا شفتهم بعيني ذي ولا التفتوا
وكنتي كلهم انتي ..... ضياء وفي
ولا مروا على جرحي ... على ظلي ... على جسري .... على جسري .... درب مهجور وجبل منفي
خلونا في منافينا ..... نحاكي الطيف ... رتم محكي
واتركوا لنا دمعه .... واخذنا من لحنهم حتف ... وعطر وحرف ... نتفقدهم وجيناهم ولقينا شي
شي يشبه اغصان الشجر يأشر على الغيمه .... والغيمه مع الترحال ... وانادي يا سفر خذني من احزاني ابى افرح بي .... ابي انسى .... منافي الشمس .... منافي الليل تتعبني ترهقني ظوتني طي .... وليالي الصيف يا حلوه اقصد انتي الحلوه
ولا انتي لي يا ايام
وصرت اشك في روحي .... اا راني حي
هل اراني حي
ايه احيا بك
ايه اعيشك
ايه يدي ودها تصافح يدينك
وامزج روحي مع خضابك
كم ليــــــــــــه قلتها لك
ولا تبرر غيابك
كم ليــــــــــه قلتها لك ويبخل جوابك
ايه اعيشك رغم طيشك
ليه تزعل وانت كلي
وكلي الباذخ الم
وكلك الساكن عيوني
وكلك الخاطر حلم
الاثنين، 6 نوفمبر 2017
تاهت الخطوه My step was lost,
تــاهت الخطوة ودروبــــي بلا نهايا
وكاس صبري من ضيقت صدري كسرته
والليالي ضيقة فيني فضايا
وكل هم ٍ لاحني ليلي سهرته
غيبت الخلان تعيدك للبدايا
لكل ذكرى في نزف عيني ابتدرته
دونت فوق اوراقي غيمة بكايا
كالغابات الممطره دمعي مطرته
واسقيت من مزني مدن وقرايا
وفي وادي المنفى غرقت ولا عبرته
الغايب اللي مثل ظلي معايا
ظل طفل ٍ ولكني جيت وكبرته
كيف نرجع ؟كيف ترجع يا انايا
كيف يعود وانا اللي بيدي قبرته
ما الوم الحال ولا لوم اخويايا
ولا الوم الا هم ٍ بقلبي قهرته
انتعلت البعد وعسفت الرزايا
ولا رجيت الناس ولا طيري زجرته
انتظاري طال و من جرحي حكايا
حتى وجهي من قهر عيني نكرته
الاشتراك في:
الرسائل (Atom)