مدي للغروب اسباب
بلكي الشمس ما تندس ورى غابه
بلكي الليل يبقى هناك
غافي مسكر ابوابه
لان الليل معه حزني
معه صوتي
معه جرحي
معاه نجوم كذابه
تجي في ليل
ومعه ترحل
وفي قلبي تنوب ذياب
مدي للوصال اسباب
خليني اشوف مسحابه
انا كني
جذع خاوي
جذر مفارق اترابه
على صدره وشوم طعون
حفر فيه الزمن اخدود
وعشعش فيه سنجابه
مدي للرحيل اعتاب
جحافل مالها تالي
تجي مثل المطر تجتاح
سيول بقوم نهابه
مدي لي
كفن ابيض
مثل غيمه وحيده فوق
ما قدرت تضمها الزرقا
لعل النعش يهنا به
مدي لي زند حطاب
مدي رمح ونشابه
اما في يدينك فاس
لهذا القلب حطابه
خوذيه ولا ترتعش كفك
النار تغطي اعيابه
دفى ولا تبرد ايدينك
لان الجمر به ونسى
اذا ما فارق اصحابه
ليست هناك تعليقات:
إرسال تعليق