الامل واليأس ما اجتمعن سوى
اليأس ملك فؤادي وما احتوى
أن آسيت النفس في كل البشر
عسى الامل يلقا بضميري آوى
اجتمعت غيومه واغشت عيوني
وابرقت وتالي رعيده دوى
وهلت على الراس برد وحالول
والثرى من دم خفوقي ارتوى
والامل تعلا من فوق النجوم
يوم اليأس فوق ضلوعي هوى
ورحت ادور في الصحاري المخليات
بلكي في روس التنايف لي دوى
وليا انهن يطلبن ماء من السراب
والطعس في كني وذاتي التوى
تقلبه الارياح شمال ويمين
ولا رحل عن الضما ولاهو نوى
عزيت الرمال وشافن حالتي
ولمسن جروح عمري والجوى
واقول الحمدلله ماقدر وكان
وقلت يالبيداء مثلك بالسوى
وصرتي ياصحراء ذاتي وموطني
مملكه للقلب ورمالك لوى
احفظي اسراري وشكوى مهجتي
ولا تنسى الرمال من فيها انطوى