يالدروب
اللي ما توديني عليها
ما تبيها خطوتي
كيف امشي دروب قلبي مايبيها
كل خطوه يمها افرح بها
وكل سكه يمها اسري عليها
والعيون التنتظر اطلوع قمرى
من خدر سماها وقلبي يشتهيها
كني الثم شمس والجنه لماها
كني الثم نور واضيع بيديها
ولا تغنيت بدروبه ان ما وصلته
ولا هتنيت بكل طرق مايجيها
وان بانت واستبانة واستكانت
كل ذاتي مشت لها اولاتحتريها
متى تجينا من الشمال التباشير
متى نعالج قلوبنا من الاصابه
شمت بنا حتى الثعل والسنانير
حتى الردي هيض علينا كلابه
تعال واقراء خاطري وش كتب لك
او تدري اجيك بخافقي لا تعنى
عرفت قلبك شابه قلبي بلا شك
غير انك في وسط عيني تثنى
سئلت من ابعدك يمي يردك
حتى يريح البال وبك يستكنى
عطبول املود ممشوقه بلا رتك
الغانيه الخود نجله سبنى
ياعبيد ياراعي العلوم الحميده
في وصف طيبك قاصرات القصايد
دعيت ربي من الوهايـب يزيده
ويسقي ثرى داره مزن عوايد
هات القلم واكتب على ما اريده
اكتب وسطر من جوفي النشايد
خط لي من بين الحنايا قصيده
ابى اشكيه ظبي ساهي الجفن نايد
اشوفها تنسى وحياته سعيده
وانا يامسندي حياتي زهايد
ليت الحشا وناظري ما يريده
وياليت دمعي ما انسكب عند بايد
لكن قلبي له يدوي رعيده
يطلبه لو حالت دونه شدايد
الجفا عند الترف صاير عقيده
والهجر يجني منه قل الفوايد
الله لولا الحيا بعالي صوتي انادي
ياساره ردي فؤادي ماعاد فيني جلاد
لو هي درت بحالي وش سوت في فؤادي
كان مافارقتني ولا نوت بعاد
الساكنه في حشايا ما أنصفتني ودادي
من حبه اسهر الليل ماعرفت السهاد
مشتى ساره القرايا وفي الربيع الحمادي
بدويه حضريه عشقي لها جهاد
لعوب ورود في مشيه الياقامت تهادي
لو عشقته صغير بكيته بالمهاد
قلبي يفز من طوره مثل طير الهدادي
اليا قامت تثنى وقع عنده وكاد