بين الغروب وبين خلي حكايه
وبين النجوم وبين ذاتي حكايات
تدرج على درب الاماني خطايه
ومن دون حلمي فيافي ومتاهات
ودرب الامل ماله حدود ونهايه
ماشيه لا تنعس عيونه ولا يبات
يسكن معي ليل السهر بالحنايه
مقيم في عيني ونجومه مقيمات
والغايب اللي يسهر معايه
طيفه وهمسه يناجي الروح والذات
يروي لي من رمش عينه روايه
واروي لها من لاهب الشوق ابيات
--------------
ياظباء البر زودتن في غلايه
جيتن لي على شبه خلي بآيات
توهت اجملهن ولو ما كنت تايه
هذي العنود اللي ترسل الموت بسمات
تعكس شموس خدودها كالمرايه
يغيب واعي ناظر العين لحظات
ياخود يابدر تجلى بمسايا
يانور يمشي على الارض مشكاة
لحظه عن قتلي وتكسب خطايه
نشدتك من لحظ عينك علاجات