من حتحت اوراقك الخضراء عن اغصانك ومن طير عصافيرك
انا من كان يقرأ لك وانا اليتلو  على الرمان نارينج ومزاميرك 
ليش دوم بغيابي تجي مثل الندى على صدري تعابيرك 
ليش دوم بحضوري اجي مثل العطش باكي على بيرك
انا اللي فيك متوحد وانا صدرك وانا العقد وازاريرك 
وانا صدك اذا صديت وانا صعودك اذا تعبت محاديرك

نصيتك

نصيتك
واسرجت الجروح غوادي تصهل بالعياف
بنات ريح وركضها نزف الايام السالفه

كانت سحابة حالمه تمطر على بيد العفاف
كانت تسولف لي قصيد واراوحها متوالفه

صار الشعر كله وجع والقافيه نار ورضاف
ما عاد تحيي ميتي وخيوط روحي تالفه

اشعلتني لمة هشيم وفجرت لي بحرك جفاف
وحطمت فيني زورقي وريح النوى متخالفه

اما كنت لك خيمة وفا ورواق وحبال ورفاف
اما كنت لك غيمة عطر على ربيعك وارفه

قربت ونوخت الرحيل وعبيت زادي من كفاف
وجهت من يمك غروب ودروب ليلي عارفه

انها مشغولة 
لابد وانها ترتب مكيدة 
كيف عرفت 
رأيت في عينها الماء 
تنوي بنا الطوفان 

عندما عاد 
حام حول مكانها 
كانت خفقات اجنحته تقول
على غصنها تركت صباحي 
كيف اجيء بتغاريدي 

في حضورك الطاغي
نسيتي منك شيء 
لا ادري تركتيه من اجلي 
او انني اربكته







و