Alone crying asked me Why do you take me with you? البكى وحده سالني ليه تاخذني معك

البكى وحده سالني  ليه تاخذني معك

واختفيتي وتكبر بعيني المدينه

صدقيني قبل افقدك احس انها قريه صغيره

يمكن اصغر من عشرة بيوت وشارعين 

كيف القاك ؟والمسافه صارت ضياعات ومنافي 

كيف اسال ؟ والمتاهه سور وعتمة وباب  طافي 

البكى وحده سالني  ليه تاخذني معك

ليه تزعجني عيوني ومالي قدره اقربك

انت اقرب !انت ابعد !  انت اكثر شي مربك 

القاني بدربك رحيل بلا كلل .... والوجهات غيمه

القاني بغربه والمسافر بي وطن والمسافه احباب

كيف مرو بي ورحلت معهم ..... المسهم هنيا

بين الضلوع وبين محجر عيوني  ربيع

وبيني وبينهم نجعة واسراب الغياب

البكى وحده سالني  ليه تاخذني معك 

If I asked you لو سألتك

لو سألتك من سرق بقايا فرحة ٍ كانت هنيا

من تحت ظلعي الايسر وين راحت من خذاها؟

لو تقول انك لقيت ,  من يفتي لك باللقيا

ردها لي فيك حاجة ليتك ترجع ياعساها

اشتاق لك كل صدفة  حتى صار الدرب ليا

هاتها يدك انا يدي ترجي من يدك دفاها

انت اكثر من خفوق وانت فيك القلب عيا

وانت اكثر من اماني اشتاقها القلب وبكاها 

كل عام ٍ انت عيدي وباقي ايامي الهنيا

يا فقيد ٍ مع اعيادي ليال الدجى من بداها

 في غيابك ضاع ضوي والليالي سرمديا

 انت تثبت لي وجودي ياكل وجهاتي وضياها

ياورد توليب Oh rose tulip

 علموها انَّ من  الليالي بنا ريب

ولا شك ان بعض الحكايا عقيمه

انتي حكاية طيب ولا بها عيب

والله لا شك الحكي بك  جريمه

لو تدرين كم اغليك ياورد توليب

اشوفك بعيني خريده عظيمه

اعيذك من حكي القفا والتأاليب 

وخلك من فوق السماوات ديمه

تسقين روحي من حروفك ميازيب

حرفك عزيز ولك عندنا كل قيمه

نارد على كتبك مثل اليعاسيب

ونصدر وفي انفوسنا اشواق ٍ حميمه

يا ورد يا قطف الندى غض ورطيب

خفره حصينه ولكل ريمه قسيمه

 

عمر ثاني عمر ثالث

ما ابي تدرين

وان مرت بك اوجاعي

 قولي ما شفتك 
من بدري  سرت لك تشتكي من حر ماجاها 
ماطاعني الجرح ,  يعاتبني اذا لمتك

خليته وحيد  يداوي العين من ماها

متمني ويسألني اذا بليل الامل طفتك
يصور لي  كيف الورد بشفاها

اعادي انفاسي ,

 اذا قال الهوى عفتك
اعادي الارض , 

اليا غاب ماطاها
مريت 
 تطويني دروب العمر ياحيف ما حفتك

ابغى عمر ثاني 

الى الثالث واتناها

فنجان قهوة ........... اشرب حبيبك

اشرب حبيبك ...... وارتشف رغوة اغاني

يرتل في رونق حياة ناصعة مثل الخزف

في الصباح يبوح عن حلم ورؤيا واماني 

تنسى  الغربة وهمها وفي رشفه تنسى التلف