بشروني - الى عبيد الغالي

بشروني وخوذوا غوالي البشاره بشروا قلب نزل غالي بداره وهل عادة البسمات عقـب ما بعدنا والسما تروي ضما ذيك القراره يبست اوراق الحشا واصفر لونه والربيع الزاهي حدر عن وقاره ولبست ثياب الكفن بياض ثلجه وانثوت رحلات عمري في مطاره واستكانت اشواقي ما غير شعري يرسله من خافقي بوهج واشاره ولتحمت الوسطى وابهامي والسبابه في كفي مع القلم يكتب مساره واصبح لظي الشوق كني وذاتي لهب لافح يوقد الهجر بشراره وترسل عيون الغريب بليل دمعه وترجى عسى يرسل الفجر بحماره يمكن مع صبح جديد يكون عيده ويذوق طعم الحلا عقب المراره تفرح الدنيا معي ليا شفت انا عبيد وترتدي ثوب الفرح عقب الصفاره

رسالة عبيد العياش : الي

عديت بالمرقاب ما هو بايدي مما حدى في الجوف تسعين عله وهيضة في عاليه وقلت القصيدي من يرقب المرقاب همومه تتله ترعد على قلبي همومي رعيدي وبرقها يلعج وهي مستهله تارد على جوفي وتصدر مديدي كما كسب قوم لطرش تشله ياعقل بالدنيا سعيد وقريدي وفيها من يقضي حياته مذله وانا اركابي ابعدني بعيدي من طول الغيبه حياته ممله الحر ليا هدى يخطي ويصيدي والرزق عند والي الكون كله .................................................................... ..................................................................... الجواب: ياعبيد وان عيد الفرح انت عيدي وياتاج مايوصل راسك مذله تفداك مني الروح وخفوقي وايدي افداك لو اقفت دنيا واخله ان حركة يمناك انا قلت سيدي وان قلت لي قول انا قلت يالله فزيت ماكنيت والله ماحيدي وسبع العقود الصعب لعينك افله ياراعي الطيب وعلم مجيدي ياشامخ مقيل ربعه بظله عن النافلات البيض مانت بعيدي في راسهن لك ساس تعله اليا نقص بالناس انت تزيدي وحاسدك من القوم بالغيض خله

النوف

البارحه ارقبت براس ارعن النوف وتراعدت بي الاضلاع شايف وهاضت دموعي على الخدين له غوف وياخفق قلبي من شفت نزل الولايف ياعبيد ابكي نزل خلاني على الشوف معهم حسين الدل حلو الوصايف العين عين الظبي في راس دالوف سود ودعج وساع من ذيب خايف وهدابهن عود الانبال مصفوف فروع طرفه فوق جفنه نصايف والحاجب هلالين على الخرس محروف قوسين زجا ولا زينتهن كلايف وجبينه بدر ماتعلاه بخسوف من الايام البيض فوق المصايف وان قلت الشعر اسود الذيل منسوف غطى على الكعبين غزل السفايف منمنم الانف لاهله ولا شنوف حرف سيف ناصل من غلايف خدها من لون دمان الارعوف بطراف بيض اجراس قطن نظايف وبريطمه زهرة الشام شفشوف ورد جوري يسقى بايدي لطايف والثنايا رتل من الدر بوصوف في مبسمه حب البرد صف رهايف يا عنق ريم يرعى البطم بوقوف كنك تشوف الماء بشربه زهايف لاهو عريض ولا هو هازل ردوف يزهن بما اسبل منهن طرايف والثدي ناهد كنه الفقع مهروف وروس الثمر رمان على غصن هايف ممشوقة الخصر والبطن مصروف قوامه غصن البان خمص نحايف الورك ما عدى على القد ملفوف مدموجة الساقين لف زرايف ياعبيد من فراقه الوجه مخطوف والشيب حل بمفرقي والزلايف عليه قلبي من المعاليق منزوف وصدري عليه من الهواجيس طايف تسعين ليله وانا الدمع مذروف وتسعين يوم وانا براس الهفايف اراقب نزل خلاني بشاحوف فوق ارعن النوف ارعى ولايف هذا نبا من عقل يامكرم الضيوف لعبيد بن عياش فوق الصحايف

ليل السرى

 هامت على متن الاحلام امنياتي 

 وراحت بها من زفزف الريح جنحان

ناديتها 

من قبل  لا يفوت الفواتي 

 عودي على قلب سكن وادي الاحزان

ايا حلم خل الاماني وصاتي 

خل الامل لي 

وخذ باقي الازمان 

عليه اقطع ليل السرى في سراتي

واجني ثمر لوهو اشجار بلا اغصان

وفيه استظل لا نشفت من وقتي لهاتي

وهو رفقتي ليا خاب ظني بالا نسان

مسترسل الليل

هات القلم ياسعود سطر ما نجود على ابيض القرطاس في دفتر حجازي عن هنوف بالملا ماله وجود كا الثريا والعه وسط القزازي خدها فيضه في دوحة ورود لوحة الرسام فريد الطرازي مسترسل الليل بطراف الجعود مستهله قذلته ياحجاج يازي اعيذها بالله من شر الحسود لو نظرها ما نفع فيها التعازي حطوا لها حجاب في صدره عقود حرموها السوق لا تمشي الخزازي من فراق ساره عيني ما تنود كن جفوني وصلها عدوى الحزازي عذابي من ترف مخلاف الوعود مهلك للاحوال ولا ني عزازي قبل اصيده صرت في حبله مصيود اسير انا له لو ما كنت غازي اشكي له نيران قلبي به وقود محترق في غاز وبترول وكازي يجاوبني الزين وفي كلامه برود من يريد الحب هذا له مجازي قلت الجزى مورود ماهو بالصدود ياغض النهود مايوازيك وازي قالت انت مقرود عشاق النهود والعيون السود هدبهن بك غرازي قلت ليتك لي تجود ياعنق العنود خلك لي ودود ياطفل الجوازي قالت عندي عليك شهود لالالاتعود لا تطلب وعود اثقل بالمرازي قلت ياموضي الخدود لاتبني سدود تفرح بي الحسود وبالي راد فازي يابو ثنايا بروق من عقب الرعود احرقني الشوق ولا عنك مجازي ياحسين الوصف ما ذخرت جهود انا على عهدك ويمك انحيازي ياولفي الزين حبي لك يزود احتوي حبي شوقي لك اعجازي صارت الخلان من اجلك ضدود ولا صار بخافقي ذرة اهتزازي قالت ماعفناك مادمنا في الوجود وادري ان هواي على القلب حازي