لا

غايب الى حبيبي عبيد

الليل طال وتبكي العين غايب وتحدرن من جفني كما دم رايب ابكي لشوفه ولايعادله شيء عندي له الخفوق وسمو الروح نايب فوق الكواكب له مقام عالي وان خبى نجم فهو خلي المعايب عيبه وان عدو للمكارم بها عيوب شجاعه والجود والراي صايب سخي في ماله وشلون ناصيه تلقى الفلاح وسماحه ورحايب عبيد اليا ذكرته ترتاح نفسي وتشقى بشوق المشتاق لشوف غايب ياراعي المعروف لربعك والاجناب ياعبيد بن عياش نسل النجايب اهديك من قلبي تحياتي والسلام اعداد مازخت المزنه صبايب واعداد رمل البيد وماشالت الريح واعداد ماهبت من الغربي هبايب وعساك يامسندي مرتاح بالك وياعسى دارك ينع الاطايب وياعل من عاداك شقي في دنياه وداره بلاقع قحط درس ٍ خرايبّّّّّّّّّّ

بـأ خـتـصــا ر

قالت لا تسميني ساره سميني صدى التذكار سميني دمع الحزن سمني قطر الندى سمني ريم البراري سمني غيث آذار نادي صوت المزن في هلته توه بدى قلي ياذكرى الغريب سارحه فيه الافكار انتي ياشجون الليل نادني درب المدى قلت يانور العيون والله لإسمك اسرار في كني وفي ذاتي كل العالم لك فدى في اسمك معاني كريمه ماسه وياقوت ودرار والزمرد والزبرجد ياذهب مابك صدى في سطوعك تخفي كواكب تسبح بعالي المدار قريب من نظر عيني اليا بنت غيرك غدى انتي قوافي قصيدي انتي سر وهج الانوار انتي دوحه مخمليه ورده وطاير شدى انتي علمي وكتاباتي انتي لي دنيا وقرار انتي ديواني وهوايا بدونك ضايع سدى انتي ذاتي في حياتي انتي روحي بأختصار انتي احساس ومعاني ضياعهن يرث الردى في غرة آذار1\3\1999

انا لي

الا يــاحـمــام الاياحمام ناح حزين فوق غصن البان الا من نحت من الفرقى تجرحني وتواسيني تفتح في خفوقي جرح مضيت اعالجه ازمان فلا تقول لي انك تطربني وتغنيني ضعيف ان وقوي انت اليا تمدمد الجنحان ترفرف فوق خلانك وانا اقلب ايديني تغاريدك عتب واحزان عادت صفحت النسيان انت تيهت خلانك وانا احبابي ناسيني ليتك تنزل لعندي نذرف دمعنا سكبان نتذكر ما مضى من ايام واعزيك وتعزيني تعال اوصف لي قمريه عليها طوق من مرجان وانا باوصف لك حبيبي جميل كاحل العيني سواد الليل شعر ساره مسدوله على الامتان الا هلت جدايلها وشاح يلبس الزيني حواجبها كما هلالين عمره ثلاث من شعبان خطوط في جبين الشمس زجا او رسم قوسيني عيون الريم نجل دعج وصفه كحلة الشيهان اهدابهن طوال على الجفنين صفيني ورد جوري سقاه الديم تفتح في شهر نيسان علاه الطل عطر العود وخده كنه الجيني شفايف لونهن قاني نواره في وسط بستان ثغر باسم ثنايا رتل لؤلؤ دبي وبحريني عنق ريميه جفله تراقب بالسما عقبان زجاج لونه الشفاف ماس الروس والصيني ثدايا بارزه بالصدر كماة حجمها فنجان بيض الحبارى والثمر حب رمان لونيني بطن ضامر عود ريحان اغصان طرفه وخيزران اليا هبت النسمه ماح يسرى ويميني اكثر من وصفي اوصافه حوريه صاغها الرحمان غضيض الطرف في خيمه في جنة علييني علامك ما تجاوبني تنوح وتفتش الاغصان انا مثلك مفارق وخلاني بعيديني انا لي كلمة وحده احفظ وصاتي بالوجدان اذا مت انا قبلك بالنياحـــــه ترثينـي

سجه

الله من قلب بدى فيه ضجه كنه غيم حداه الشمالي له ازعاج به قرصت المشتى جليد وشجه ينيض برده وبين الاضلاع دواج يالله قلبي عن الهم كيف اهجه انت العطى رب الكرم رب الافراج اشكيلك وين مدري اتلجه يم السهل يم الجبل يم الامواج الهموم جتني من كل فجه ولالها بقواميس الناس منهاج ياقلم اكتب من المراسيل حجه عن هم وغم بالحشا يامسندي داج يافليح وش حيلة اللي ضيمه يلجه ولاعاد بدنيا زينة قمرها ولا سراج ويابوعادل غطت الوسيعه بعجه واصبحت كني تايه الفكر سهاج بقفرا خلو لي مع السراحين سجه يمكن معهن لضامي القلب اعلاج يامسندي زجني الهم زجه اسوى حشايا فوق تنور والصاج ضاقت ولا عادت الدنيا بفرجه كني حبيس في قفص طفل خداج عسى مراسيلي ساعة يمك توجه على جناح الحر مع الشرق معراج