سجه

الله من قلب بدى فيه ضجه كنه غيم حداه الشمالي له ازعاج به قرصت المشتى جليد وشجه ينيض برده وبين الاضلاع دواج يالله قلبي عن الهم كيف اهجه انت العطى رب الكرم رب الافراج اشكيلك وين مدري اتلجه يم السهل يم الجبل يم الامواج الهموم جتني من كل فجه ولالها بقواميس الناس منهاج ياقلم اكتب من المراسيل حجه عن هم وغم بالحشا يامسندي داج يافليح وش حيلة اللي ضيمه يلجه ولاعاد بدنيا زينة قمرها ولا سراج ويابوعادل غطت الوسيعه بعجه واصبحت كني تايه الفكر سهاج بقفرا خلو لي مع السراحين سجه يمكن معهن لضامي القلب اعلاج يامسندي زجني الهم زجه اسوى حشايا فوق تنور والصاج ضاقت ولا عادت الدنيا بفرجه كني حبيس في قفص طفل خداج عسى مراسيلي ساعة يمك توجه على جناح الحر مع الشرق معراج

وشـــــــعــاد

يامنزل الترف شرقي الخزامى جنوب المكيمن شمال الكبيشين باقي من نزل ساره علامى هوادي سود حول النقرتين ودارسات ما جاوبن بالكلامى حالهن تبكي ربوع مقفين لو نشدتهن وين ظبي العدامى أسئلني وين خلاننا وين كم نزل بنا بادي عالي المقامى كانوا لنا اهل فينا مقيمين رحى الدهر لامال مابه سلامى طوتهم الايام بدولابها الشين ياعاشق الكاعب مابك ملامى يكفي حزنك معنا بفرقى المحبين في دارنا هلت دموع النشامى ومن كثر ما شفنا صرننا حزينين نزل بنا النشمي وستر الجهامى عساهم بالفردوس بجنة عليين يادار لفيتي عيوني بغتامى ان عادوا لك الخلان يادار ترثين خلي لي من داثر القبر شامى وان مرني قولي وش عاد تبكين

رسالة عبيد العياش: الي

يامل قلب به الهم دوى بيــن الحنايــــا شيء يلويه كني قريص الداب بس اتلوى ولا مريض اوجاعه تهاديه زمان الهون رماني بسوى ما يرجع الماضي وخاب راجيه ما نفع لو قلت ياليت لوى وما نفع من قبل من كان يدعيه ماظل نخوه ولا ظل مروى حتى القرابه خاب الامل فيه سر ياقلم وكتب على كل نوى للشرق للغرب وعكس اتجاهيه شلعت بيبانها وقامت تهوى وغربانها والبوم ناعقه فيه من دور آدم والام حوى جا نا من خالق الكون تنبيه ما ترمى الاجواد بأيات سوى والحق يعطى وبالك الحق تخفيه الجواب: راعي المروى سر ياقلم واكتب على قاف لوى وبيض الورق من ازرق الدم غذيه واظهر مكنون ما خفيناه جوى عساه يطفي جمر من الايام نكميه جتني رساله من راعي المروى لوما جتني رساله فلاني بناسيه ياعبيد لا تشكي زمان تسوى القضاء والقدر غصب نباريه وياعبيد كم ذيب بالمراقيب عوى من امحلت داره وخلية مفاليه والغدير اللي نضب ماءه وخوى يرسل له المولى مزون تماليه والليل الاظلم من الشرق ضوى مع بزوغ الشمس تمسح تواليه وتضحك مباسم عقب قول اوى والكبد عن صدى الهموم نجليه تمت وصلى الله على عظيم النبوى وازكى سلام لمن جتني قوافيه

صفقة شباب

عسى المطر يسقي الخزاميه مع السوح هطال مزونها بالفياض المريحه بروقها كل عصريه لهن ضوح وكن الغيوم على ارضه طريحه والرعد كنه نور لطبولهم دوح او صفقة شباب بحفلة مستبيحه ديرة عنود اللي بها القلب مشفوح حلو الثغر زين المحيا مليحه هيض شجوني ورق غنى على الدوح يلعب طرب وهيض عليا القريحه منه سبلت عيني دمعها نزف الجروح فوق خدي مكنون سري تبيحه عذبني هوى ساره ويشوحني شوح يلتوي بي مثل زوبعه بالسطيحه سهمه خرق قلبي والدم مسفوح وصويب عينه من يداوي جريحه قضيت ليلي بين الهم والنوح يكون لي الجنبين بجمر وصفيحه لاقابل النوم ولا ادري وين اروح ياوين انا اشوف الما بلغنا مديحه حبي لها والعمر مسطرات على اللوح حرام دمي لغيره بس هي تبيحه واليوم من عشق العفيفات مفضوح والله فلا اشوف غير المليحه ياهل الهوى ياهل العدل ياهل السموح لهيب حبه بي وهي مستريحه

اليا ابتسم

""""""""""""""""""""""""""""""" لي صاحب ورى الحدين داره فارقتها ولا ودها عيوني تفارقه ودعتها وكبدي تصليه الحراره وجفوني من دموع العين غارقه من عقب خلي كل حالي مراره وقلبي ليا جا الليل الهم طارقه تايه في حبه كما تيه الصحاره ولا بلجات البحر عطلت زوارقه واتليه سراب الامل ولاح بمناره يموت اليأس لياكان به امل خارقه منيتي القاه اوجاني زياره او بان لي طيفه والشمس شارقه حبه ملك قلبي وساكن في قراره وروحي فدى اللي الياابتسم لعج بارقه