ضــــمــــا

ويل عمر ٍ ماتهنا في شبابه والليالي يابو عقل شيبتني راحت الايام بأمرار وكآبه ماتجلس حظي يوم انها كوتني دون حظي محكمه قفلة ابوابه دنيتي وفي متاهاته رمتني واتركتني اعزي قلبي في مصابه ومن قسوتها يابو عقل اذهلتني وطالبتني ويل عمري من طلابه ومثل ماتبي بممشاها اجبرتني ورحت اتلاها كما يتلي السحابه من ضمى وقتي والله ماروتني من سموم القيظ صرت ارجي صبابه ترعد بلا ديم جهام وحيرتني ياعبيد برتني كما اقلام الكتابه ومن مظالمها وشقاها جرعتني وعذلوني من شقى حظي القرابه فوق غبر وجهها بناس بلتني ان غيري ارتوى صافي شرابه انا عن لذة شبابي اشغلتني يقولها خفوق يشكي عذابه يشتكي جور الليالي المتعبتني

ســـــــــــــر بـــــــا ل

بانت لي الشمس وفي عيوني جروح الليل ومجر دمعتي شلال يسكب من شفى عالي وساوس وهاجس وخاطر غموض وعذابات ويل وسمالات من امل داثر تخفيلي بقايا امالي احس ان جوارحي غاصت وتسبح عكس مجرى السيل تاهت في غرابيب سود ولا لها من نور وضلالي وجسمي مثقل من همومه وروحي جموح مثل الخيل ترقى لمطالع الثريا و كني بالكون جوالي وليفي ضامني بهجره وراني من حبه التنكيل تراني في عذاباتي جريحه وتضرب امثالي اجوه الله كفى عني دخيلك منك ذقت الويل انتهيت وشربت المر وزماني يقلب احوالي همومي حشود ومجر جيوش افواج مالها من ذيل وفي راسي خافقات بنود وشيب والدم سربالي معاني لوعتي ديوان لو خانني الحرف والقيل المعاني كلها بساره وعذال شمات ورزالي تريث يالقلم واكتب في هوى الزين مجرى النيل ومعاني الحرمان سطرها ماهي لربع جهالي

رافعه خشوم

يادار اخليتي بك تالي ارسام اثافي ورضاف وشعث الهدوم صحصاح دو ٍ فوقها الطير ماحام وشال اطلس الذيب عن قفر وعدوم وفياض مالاح برقها من اعوام ولا عاد فبها منابت شيح وقيصوم وين النفل والبختري والانسام من نواوير والشلوه الى راس الحزوم وبيوت خلاني في وسطها وشام غرابيب مبنيه رافعه خشوم فيهم غزال له القلب روام من هدب عينه يرسل الموت بسهوم ساره وان طاح عن وجهها لثام بدر تجلى في سما خاليه غيوم وليا لاحت الغره عن بدر التمام توضي كما ياضي برق بالوسوم فوق صدره راكز بيض الحمام ثمرهن الرمان او خصلة كروم من فرقى الغضي عانيت ياعبيد الاسقام ومن درة ثناياه ياعبيد محروم اساهر الليل ونهاري صيام ا طوح الونات في راس الارجوم ما انيم الليل وخلاني نيام وان غفيت الصبح جاني بالحلوم اموت فيها ياعرب ميتة اسلام واحيا بحبها دنيتي فوق الانجوم

توريني غيابك عين واوريها اللقا اعجاز

على مارية السلوان ومالي بالهجر نيه

رسمتك صوره في فكري فريده مالها برواز

بغيتك ماشيا بذاتي كل خطوه بحريه
-
قلمي 

النواوير

واعيني اللي صافي الدمع تذرف سهير ليل والفكر سولف اصناف من ساعت رقيت في راس مشرف في عاده الطويله جريت النوح بهتاف همي تثاقل وعلى ضلوعي فلا خف وحلو المشارب ذوقها مر وزعاف من فراق الغضي اضرب الكف بالكف ونار توقد بالحشا جمر ورضاف حمى الهوى منها الاطراف ترجف سقيم واحوالي هزيلات ونحاف اللي ذبحني ابو رمش تقل رف من فوق نجل ترسل السهم قصاف ورد الخدود الكنهن دم مرعف فل وجوري ومن النواوير اوصاف در المنامه رتل الثنايا تقل صف وشقايق النعمان معسول الشفاف ياعنق ريم روس الاثمار يقطف لفتت عنود وعين نجلا وخواف غصين بان ان مشى ما تقصف املود خود ممشوقة القد معطاف ام الكواعب البارزه تملي الكف دراقه ولا حاشها كف قطاف ياخلي في حكم الهوى ليت تنصف لويتني من الفرقى كما لويت الكاف -*-**-***-****-*****-******-******* -