لا هجير ولا ضلال

``````````````` ياعبيد هيض الخاطر هبوب الشمال اول خريف ايلول ليا لاح الورق اليا اعتدل لا هجير ولا ضلال والغيم متقطع والودق اندفق سبحان منشيها عزيز الجلال رب البشر رب القدر رب الفلق ليا طاحت الاوراق عن غصن ومال من عيني هلت دمعات الحدق تغوص باعماقي طيوف الخيال تسكن في ذاتي ومره تنطلق اوراقها الصفره تحدر للزوال تجتمع للوداع وبنسمه تفترق عيني بكت ذاتي بالدمع الهمال رثتني حنين الاصل من دم وعرق ترثي لذات الحال ليا حل المجال اما براس الرجم او داخل نفق ياعبيد جريح الليل دمانه تسال كن سهام الكون لجوفه تخترق لبست من الدنيا على العمر شال غتره بسواد العين ما فيها خرق

داره بعيده

```````````````

العين لوماشافتك ما هي بصيره عزاه ياعين ماشافت عيون ساره نجل العيون اللي اتركتني بحيره سطرتها بديوان عمري جهاره وش حيلة اللي مكبلات ايدينا اسير وعليه حراس المعسكر وداره بعيده والاهل مبعدينا من طول الغيبات وشلون يصبر وشلون يصبر والحشا له حنينا وهم ثوى بصدره يشداه خنجر اتناسا والقلب فيهم فطينا عمره وطاري الحسين المضمر عديم زول لا هزيل ولاسمينا كنه اغصين البان وان كان اخضر ياخلي لك قلب لي ما يلينا ودعتني وارجيك للقلب تجبر فارقتها واقفيت وسط المدينه ساهي مع الهوجاس بالولف افكر

```````````````

رسم قديم

````````````````````````````````````````````` دورت عنها في بيداء قفر اكضفاني ولا لقيت الا رسم قديم وممحي زمو بها ريم من ا لخود ظبياني اللي هدب عينيها على خدها في نادو رحيل وطول الهجر اضناني اقفو بها تباعة العشب والري عطبول والقد ممشوق خمص رياني  لا خيزران ولا بان ولا يشبهه شي ``````````````` `````````````````````````````` حمامه ياللي فوق الغصون نحتي نوحك على الدار والا الولف راح ادري لولا الغضي ما انفضحتي فقد الخليل الموت والعمر فضاح وان كانك لاسرارك اليوم بحتي انا ياساجعه بي الجوف انباح قولي لولفي عن الهوى ليه محتي وذكرك عن خاطر محبك فلا راح وسلك الهوى يومن رماني فرحتي اقفيتي يوم انه بالهوى طاح ياساجعه وصاتي عسى لا انجرحتي وياليتني مثلك ابدل الكف بجناح `````````````````````````````` ````````````````````````````````````````````````` اذكريني في حناياك اللطاف ان جلستي وان مشيتي وبالمنام لو عوفوني هواكم لا ماعاف وحبك بقلبي كما رسم وشام ``````````````````````````` ````````````````````````````````` تشتكي ساره ومكر النسا من مكاره وفيها الحنان وكنها ام الايتام ممتنعه ما تعطي بخفيه وجهاره وهي اندى من القطره على وردة الشام `````````` ````````````` ياساره انتي في فؤادي وحيده والنور الذي اشوفه كل البلاد طال بي الشوق وانتي بعيده نار الجوى شبت من غير وقاد شكيت من حبك لحمام الجريده ناحت لي وونيت والدمع رجاد حلفت بمن كون للريم جيده قلبي على غيرك يازين ما جاد ``````````````` ``````````````````````````````

```````````````

مظله والزمله ولاها

سقى الله ايام المقانيص ياعبيد

وسقى الله مظله والزمله ولاها

ايام لو تنعاد ولا غيرها اريد

وهنيت من قنص بها او مشاها

مع الفجر روحنا عنازا صواعيد

تطيب نفسي مع نسايم هواها

وليا حانت العشره انكفنا مواريد

والشمس تو مابعد غطى دفاها

بظل الرمث نرمي قماري فراهيد

ومن كل طير يد المنايا طواها

ثم جينا الخيام والرفاقه بتقل عيد

وكل يسولف قنصته وش نباها

والعصر شدينا بجموس طواريد

على كل زمله مشرفين الوراها

راحت وياليت الايام الماضيه تعيد

وربك من غيث الهرايف سقاها

انشدوها

الليل طال وجفن عيني ماغفا

كني قريص ومكبلات اطرافي

قولو لساره وش بداله بالجفا

ابداً ولا عن ذكره القلب جافي

من شفت برق الهوى بعينه طفا

ومن قبل همس الشوق بعينه تشافي

انشدوها وين عهده بالوفا

حلفوها وين حبها الصافي

من فرقاها نحت في راس الشفا

واطوح الونات في رسم عافي

ان كان انا غلطان ياخلي عفا

سامح الولهان ياريم كافي

```````````````

يقولون طول الصبا فيها خطيه

قلت حاشا درب الخطا ما مشيته

فيه الهوى شميم انسامه نديه

تشرح صدور العفيفه من هويته

```````````````

اقسمت انا بالله بالحب صادق

في هوى غرير وغض النهود

يدري الهوى من له نظر حادق

لو حلف بعد الله بعيونها السود

**********************************

يانجل العيون اصبر عليا

لاتبدي بحبك للناس نظرات

ياكاعب النهد لاشفت سيا

عسى ما يجيك نار وآهات

```````````````

ياقلب ياللي على الصعيبات معتاد

اتعبك من الغنادير طرد شارد

الياضميت ولحوية الترف وراد

ومن يمهن نبع حوارين بارد

صدرت وبريقي الظلم عقاد

ولولا هواها ما عنيت الموارد

من شاقني حمام على الغصن غراد

وكنه لقصة العشاشيق سارد

الهم عن صدري اليوم حول

واليوم انا في شوفه تهنيت

عاد الغضي وفي دياري تجول

واجمل اللحظات بخلي تلاقيت

```````````````

هي الحياه ياعبيد وهي اذكارها

وان ماشفته حياتي كلها امرار

يزيد وجدي من شفت دارس دارها

والهوادي منثره بجانب النار

وبقايا شعث واطراف خمارها

وبنايق قميصه باقيه فيه الازرار

وش حيلتي بالبدو دوم اسفارها

بكل وسم مبدلين الدار

```````````````

ان جفل ظبي القفر مافيه حيله

اقفى وخلى قلبي يلوعه الهيام

جيت ابثه شوق روحي والتجي له

والقلوب العاشقه لعينه ترام

من فارق الظبي لا وعزتي له

عوى له الذيب ونوح له حمام

```````````````