زيزفونه

ماناديت الزرزفونه

ادركتني الزيزفونه

حلمها الدفى بحروفي

وانا حلمي في عيونه

يلوعني في سكونه

طيفه يسكن في جفوني

اختلط عقلي وجنوني

وانا اعالج به جنونه

هي مجنونه وهي عنيده

ان زعلت زعلها مكيده

احيانا القاها بليده

واحيانا غزاله شريده

واحيانا رقيقه وحنونه

ليتني اثمد جفونه

ان حكت اسكر في لماها

واذكر ربي في خطاها

ماحدن يشابه بهاها

ولا احد شافه في عيوني

اريجها كا الزيزفونه

ملام والليل

وتلومه

وهي ابطت على جواب الليل ماردت

وكم نادى

الا ياهووووووووو وين انتي

ونبض قلبه

بالاشواق مزحومه

هو نادى

وهي نادت وسايدها

وهو يدري بعوايدها

اذا حل الوسن بجفون ديمومه

وحل الصباح

ونادى الصلاة والفجر يتنفس

وقام وكل دعوته انتي

ونور الشمس يحرق عيون مانامت

وغفت بعيونه السهره

ولملم جفنه النرجس

وتلومه

الاياعقل لا تكمل

روح وكمل النومه

هي مادرت ان الليل يشمومه

وان الليل يجيب الطيف ياغادا

قضه ليله على جمر الفراق يتقلب

ويتعذب

اذا ذكر بور الارض موسومه

صحايف قفر وحقول البكر

ورود بالحلا والنفل مرجومه

وتلومه

وعلى شان مايزعل خواطرها

ولا يبغى يشوف الحزن ناظرها

يقول غفيتي بعيوني ونمتي

ولملمتك

بين الضلوع الحدب ضفيتك

وعلى شان البرد في مشتاي

بجفن العين غطيتك

ولاجل ما تبرد ايدينك

جفون العين ملمومه

بتول

عندك خبر

انك غصبتيني اقول

وافضح للواشي قصتي

وجرحي اعلم موضعه

رحتي من سنه بلا وداع

وانا انتظر يمكن تجي

والورد في كفي ذبول

وصوتي ضيعته مع صداه

صديتي وقلتي ما اسمعه

ماجيتك ابغي لك عتاب

ولاني على الفرقا ميول

ابيك ياخلي ان ذبحت

كفك تسنن مبضعه

الجرح يترك بي ندب

ينزف من الضلع الحدب

ماني شاعر وقول انكتب

او ابغى قول ٍ ما اروعه

لا يا بتول

لا يابتول

مانتي محتاجه اذكرك

كل شي معك

كل شي معك

وكل الفصول الاربعه

عمري قصر وليل ٍ يطول

ضاقت ولا ني في سعه

ليتك جيتيني عتب

ليتك قلتي مالسبب

قطع الوصل دون الوصول

وروحي ترحل لك سعسعه

ليت البكا ينثر حكي

ليت النبض ما يشتكي

او ليتك باحساسي شهر

او ليله في غيبت قمر

كل خمس ساعت بدهر

ما تقدرين

لا ما رضيت اعذبك

ولاني بناوي اكذبك

ودي حديثك اسمعه

يمكن ترى فيني فضول

ردي سؤالي الاخير

ماني طالب منك كثير

وين العهد ويش المصير

مازلت في حالة ذهول

قولي بتول

مينائها العين

شوفيني

ومرري يدك فوق راسي

شوفي النواصي من غربتي والحجاجين

كنتي ولا زلتني اتنفسك مع انفاسي

لليوم ماغير ياغايبه  سنين

مابغى اقول اني اشربك عذب كاسي

كاس العمر يقضي وانتي  تغيبين

مابك قسى لكن لك قلب قاسي

ايديني شتا

ولا دفت منك الايدين

هذي الدفاتر

تذكرك ان كنت ناسي

نبض الخفوق ماهي خطوط سطرين

انا الكنايس اللي ما تجيبك اجراسي

وانا الجوامع واحباب قلبي بعيدين

وانا البساتين اللي مازهرت بك غراسي

وانا المطر اليا انسكب فوق مضمين

وانا الحطب اللي قطعته بفاسي

وانا النيارين اللي عليها تدفين

وانا السهر اللي تحلا فيه الاماسي

وانا القصيد اللي به تغنين

وانا البحور وامواجها والكراسي

وانا القتيل اللي ماوفى عنه الدين

لاباس

يامن حطمتبي قو باسي

ابد العمر وانتي لمماتي تقيمين

بين الضلوع الحدب لركبك مراسي

ان ابحرت بالقلب مينائها العين

الدواوين

كنت اتناسا

وجيتني مع انفاسي

ياكنك تلمس خفوقي بالايدين

كان الهوى واليوم ثقل الرواسي

احساس قلب الما عادلنه موازين

ليا صرت من بين الناس

لي كل ناسي

حتى طيوفك شفتها بالدواوين