صباح الخير

 صباح الخير , اما اللذين يجاورون الشمس كيف حالكم من دون ليل

صديت

صديت عن بابك وقلت : يادربي سهل ... الافق شاسع ياصدر الشمال

لين بابك نادى على مهل على مهل...ما قدرت اقفي لمن رجاني تعال

قلبي... التفت قبلي... ياكنه طفل ... هو صوتهم ولاينادي لي  خيال

في الباب حزن انتبه لي واشتعل ... في عيني دمع انحدر من حرف جال

الاكثر

الاكثر صمتا اصابعهم على الزناد , يجرحون الورق وينزفون

اخذت وجهة

اخذت وجهة غير عفت اتجاهك ...شفني احاول كل الدروب وانساك

ادركت ما يصلح لمثلي اشباهك ... مافيه رادع لك عن الكذب ينهاك

ما كنت محتاجك ولا احتاج جاهك ... لا ولاني كاشف ستر غطاك

بغيت انبهك واعطي انتباهك ... ما انت لعسرات المشاكيل فكاك

وصلتني علومك وبين سفاهك ... ماقلت لي يا واليده وش الجاك

لا عاد تنطق اسامينا شفاهك ... خلك بعيد وراعي الكون يرعاك

مواسم شوك

على الرقاب شيل الخطايا 

دام المحبة قصاص وحد

تعال واقرأ كل النوايا

خذني بعدالة اذا مرتد

كلما اغيب لقيتك معايا

كأنك حبيب وكأنك ند

لو انك سراب اشوفك آيا

اريدك دفايا وتجيني برد

اتعبت الكتابه بسرد الحكايا

رواية شوق وقوافي ود

انادي باسمك واقول ياانايا 

جزايا صدود وفراسخ بعد

قريب ليدايا وغيم بسمايا 

ومواسم شوك وحقولك ورد