.png "عقل العياش")
لمي البقايا من المايجون
من اللي رحلوا ونسيوا سوالفهم هنا
من اللي رجعوا ثم ارحلوا ثم ارجعوا ثم ارحلوا
من الماخذوا الا خيال زوالهم
من اللي تركوا لنا اسماءهم واحوالهم
هيا تعالي من تعب عاشق بكى قبل القصيد
هيا تعالي ورتلي الشوق العتيد
واقري دموع مسطره
كانت دموعه محبره
وريشة هدب عينه
مغمسه ليل وتعب
هيا تعالي من الصباح اللي نادى وينك تعالي
ما كنك الا شي ماغاب وطرا لي
قولي اجيك من الغياب
موعدنا في غيمة ضباب
وهذا وعد وهذا عهد
شوفي كيف التوق سوى بي بغيابك
الامل سوى طقوس من الجنون
الامل قاسي وهو يشفق علي
كم صعب يواسي فؤادي البكي
كم ردمت الجرح باماني وهم
كم تعالي قلتها وعادت عدم
والان انادي يا اناي
ارجع وتلقاني معك
هاتك لي من اساي
ارثيني وانا اشيعك
وارحل بك الى كل الجهات
ولا تدري
نمضي في درب الفوات
