من دمي

لا تصدقني ان قلت ادور بديل 

كيف ابدل خافقٍ روحي معه

كل يوم ٍ ليا خلا منك ثقيل

وكل لحظة انت فيها لي سعه

آه لو يدري وهو يدري القليل

كل قطره من دمي تجري معه

 

مركاي

 اسرجت الاماني وطاب السرى بمسراي

ومن توقي اسقيت وزرعت النجم بيديني

لقيتني غارق بسيل دمعي على مركاي

قمت و بكيت الايام لقيت العمر يرثيني 

الغايب الحاضر

 يا مشغل الروح ! وين الصبح من ليلي

ابطى العتيم وغاب الفجر مع نوره

يامنك انت,  انت كلي وقناديلي

ولا انا اصبحت بعدك في جسد صوره 

يالغايب الحاضر تاخذني من تعاليلي

كنه بين الناس ولكن غايب حضوره 

يارفيق العمر My lifelong companion

 كيف افرق بيننا وكل سنيني مع سنينه

كيف اذكرني لوحدي وكان ظلي في مساري

يارفيق العمر وينك صارت الرفقه هجينه

ما همني الا صدودك الله يجبر انكساري

الله اكرمني و عطاني رب العزة شاكرينه

نرمي قفانا الحكايا وتنبح ورانا الضواري

انت خابر كل شي يارفيق العمر وينه

سقى الله ايام كنا وعسى ديارك عماري

ليتك تقرأ يارفيقي عني اشواقي الدفينه

لا تلوم النفس حتى حل بالراس الوقاري

كنت ادري جاي ليل معه غيومي الحزينه

كنت ادري بتجرحيني ان جبتي للبعد طاري

كنت ادري بتكتبين عطر وفوقي تنثرينه

وكنت ادري بنتثريني عطش في كل البراري

ليه يا (ايام ) عمري كل شوقي تنكرينه

وش بدى حتى تغير في مسارك عن مساري 

ارسلت لك ( عبيد حبيبي رحمك الله ) I sent you my tears

ارسلت لك دمعي ياراحل مع الموت    

شيعت لك روحي وقالت العين عجل                

قم ودنا ولم البكى بوسط تابوت          

وقل للي سبقنا يم ربه تمهل