كيف افرق بيننا وكل سنيني مع سنينه
كيف اذكرني لوحدي وكان ظلي في مساري
يارفيق العمر وينك صارت الرفقه هجينه
ما همني الا صدودك الله يجبر انكساري
الله اكرمني و عطاني رب العزة شاكرينه
نرمي قفانا الحكايا وتنبح ورانا الضواري
انت خابر كل شي يارفيق العمر وينه
سقى الله ايام كنا وعسى ديارك عماري
ليتك تقرأ يارفيقي عني اشواقي الدفينه
لا تلوم النفس حتى حل بالراس الوقاري
كنت ادري جاي ليل معه غيومي الحزينه
كنت ادري بتجرحيني ان جبتي للبعد طاري
كنت ادري بتكتبين عطر وفوقي تنثرينه
وكنت ادري بنتثريني عطش في كل البراري
ليه يا (ايام ) عمري كل شوقي تنكرينه
وش بدى حتى تغير في مسارك عن مساري
