توسع مداركنا ونموت بالقتل البطيء
كلما عرفت الناس قلت اتركو منفاي
يقولون الدنيا ما فاز بها الا الجريء
انا اللي من صدره طلعت ولقيتني بكاي
الدمع مالح لكن للي شرب مثلي مريء
ما نستعير بشوتنا وهذا الطريق حذاي
المال متبوع لوهو مع الرجل الرديء
لكن ليا صح الصحيح اختنقو بمطراي
دورت بك عبق الحياة وبسمة غايبه بفمي
اشتقت لك وهذا الخفوق به نزف واخفاه
مانت بحلم الا تسافر بي وتبحر بدمي
وانا سريت لوجهتك وهذا السرى مشهاه
تعالي من متن الغياب بشوفك نسى همي
يطيب لي تقبل علي وانا بتوق القاه
الملم ما شرد من عطرك وازمه بكمي
اشعل ضلوعي فنار وتحت الضلع مرساه
مديت كفك لي حياة لكن قطع جسره
هذا الامل اقفى كيف اقطع الاتي
مات المطر وهذي الروح منكسره
شبنا بغربتنا وكيف اجمع اشتاتي
الراحل اللي ترك في خاطري حسره
ماعاد به رجا لشوفه رحل مع امواتي
نور انطفا من ضي يا ضي هالاسره
معك السعد اقفى , اقول لا ماتي
انتثر صبحك على وجه البلاد وجيتني نور
كنك جيتي لحالي وباقي المخاليق ليل
نشوة قهاوي ونسمة وتباشير وعطور
وريحة مطر وشوية دفى باطراف سيل
على شفى رمشي تاقف وتميل وتدور
ورمش يتلقاها والف الف حي النزيل
حي نور مد لي من قلبه لقلبي جسور
اهلين ياناثر ربيعك ياشفات العليل